ວິສາຫະກິດກາເຟ 200 ກວ່າແຫ່ງເຂົ້າຮ່ວມ ງານວາງສະແດງກາເຟສາກົນຈີນ (ຜູເອີ)
ຫວ່າງມໍ່ໆມານີ້, ງານວາງສະແດງກາເຟສາກົນຈີນ (ຜູເອີ) ພາຍໃຕ້ຫົວຂໍ້ “ກາເຟຈີນ-ທົ່ວໂລກຊົມໃຊ້ຮ່ວມກັນ” ໄດ້ຈັດຂຶ້ນຢູ່ນະຄອນຜູເອີແຂວງຢຸນນານ ສປ ຈີນ. ຝ່າຍຕ່າງໆໄດ້ອອກ “ຂໍ້ລິເລີ່ມຜູເອີວ່າດ້ວຍກາເຟຈີນ-ທົ່ວໂລກຊົມໃຊ້ຮ່ວມກັນ” ໂດຍມີໂຄງການກາເຟ 12 ໂຄງການໄດ້ລົງລາຍເຊັນໃນໄລຍະຈັດງານວາງສະແດງຢ່າງເປັນເອກະພາບກັນ.
ງານວາງສະແດງຄັ້ງນີ້ໄດ້ດຶງດູດວິສາຫະກິດກາເຟ 200 ກວ່າແຫ່ງຂອງໂລກເຂົ້າຮ່ວມ, ຜູ້ແທນຈາກ 10 ກວ່າປະເທດ ແລະ ເຂດແຄວ້ນໄດ້ຮ່ວມກັນປຶກສາຫາລືກ່ຽວກັບອະນາຄົດອັນສົດໃສຂອງກາເຟ. ຕາມຂ່າວແຈ້ງວ່າ, “ງານວາງສະແດງກາເຟສາກົນຜູເອີ” ໄດ້ປະສົບຄວາມສໍາເລັດໃນການຈັດງານມາແລ້ວ 2 ຄັ້ງ, ໂດຍມີວິສາຫະກິດ 300 ກວ່າແຫ່ງຈາກ 21 ປະເທດ ແລະ ເຂດແຄວ້ນເຂົ້າຮ່ວມງານວາງສະແດງ ແລະ ໄດ້ຕ້ອນຮັບນັກວິຊາການເກືອບ 20.000 ເທື່ອຄົນ. ມູນຄ່າໃບສັ່ງຈອງສິນຄ້າທີ່ຕົກລົງກັນໃນສັນຍາຂອງນັກທຸລະກິດຈັດຊື້ກາເຟມີເຖິງ 2,236 ຕື້ຢວນ.
ແຫຼ່ງຂ່າວ: ເວັບໄຊຢຸນນານ