ຫໍເຢ້ວ໌ຢາງຕັ້ງຢູ່ຝັ່ງຕາເວັນອອກຂອງໜອງຕົ້ງຖິງ ເປັນ ໜຶ່ງໃນ 3 ຕຶກທີ່ມີຊື່ສຽງຢູ່ພາກໃຕ້ແມ່ນ້ຳຢາງຊີກຽງ, ນັບແຕ່ບູຮານນະການ,ຫໍແຫ່ງນີ້ກໍໄດ້ຮັບຄວາມນິຍົມຊົມຊອບຈາກນັກວັນນະຄະດີຢ່າງຫຼວງຫຼາຍ. ຕອນບ່າຍວັນທີ 1 ສິງຫານີ້, ຄະນະນັກຂ່າວສະເພາະລາຍງານຂ່າວແລວເສດຖະກິດແມ່ນ້ຳຢາງຊີກຽງແລະໄດ້ຢ້ຽມຊົມຫໍເຢ້ວ໌ຢາງ ນະຄອນເຢ້ວ໌ຢາງ ແຂວງຮູນານແລະໄດ້ສຳຜັດກັບທິວທັດສວຍງາມຂອງຫໍດັ່ງກ່າວ. ຫຼັງກິດຈະກຳຢ້ຽມຊົມສິ້ນສຸດລົງ, ທ່ານແລນກູດຣຳ ນັກຂ່າວສັນຊາດອາເມຣິກາຂອງໜັງສືພິມຈີນລາຍວັນໄດ້ເລົ່າຄວາມຮູ້ສຶກຂອງຕົນວ່າ: ຕົນຮູ້ດີວ່ານັກຮຽນຈີນທັງຫຼາຍກໍຮູ້ຫໍເຢ້ວ໌ຢາງຈາກປຶ້ມແບບຮຽນ ແລະມີຄວາມຮັບຮູ້ບາງຢ່າງກ່ຽວກັບຫໍແຫ່ງນີ້, ແຕ່ສຳລັບຕົນເອງແລ້ວ, ການຢ້ຽມຊົມເທື່ອນີ້ເປັນປະສົບການໃໝ່ໆ, ເຖິງວ່າມື້ນີ້ມີໝອກ, ແຕ່ເບິ່ງແມ່ນ້ຳຢາງຊີກຽງຢູ່ເທິງຫໍເຢ້ວ໌ຢາງ ຍັງມີຄວາມສະຫງ່າງາມທີ່ສຸດຄືເກົ່າ.