ເວທີປຶກສາຫາລືກ່ຽວກັບສູນຂໍ້ມູນຂ່າວສານຈີນ-ອາຊຽນໄດ້ບັນລຸການຫຼາຍໂຄງການຮ່ວມມືໃນຂົງເຂດເສດຖະກິດດີຈີຕອນ

ຕາມຂ່າວ ຊີອາໄອ:ແຕ່ວັນທີ 11-18 ກັນຍານີ້ ກອງປະຊຸມເວທີປຶກສາຫາລື ກ່ຽວກັບສູນຂໍ້ມູນຂ່າວສານຈີນ-ອາຊຽນທີ່ປະກອບດ້ວຍຫຼາຍສາຂາກອງປະຊຸມຕ່າງໄດ້ຈັດຂຶ້ນຢູ່ນະຄອນໜານນິງ, ເມືອງກຸ້ຍຫຼິນແລະເມືອງເປີຍຫາຍຂອງເຂດກວາງຊີ ສປ ຈີນ ເຊິ່ງນັບລວມແລ້ວໄດ້ມີຜູ້ຕາງໜ້າ 2 ພັນກວ່າຄົນເຂົ້າຮ່ວມ.

ກອງປະຊຸມຄັ້ງນີ້ໄດ້ດຳເນີນການຫາລືກັນລະດັບສູງກ່ຽວກັບການຊຸກຍູ້ການສ້າງສູນຂໍ້ມູນຂ່າວສານຈີນ-ອາຊຽນ, ເສັ້ນທາງສາຍໄໝດີຈີຕອນແລະຊ່ອງທາງໄປສູ່ພາກໃຕ້ ໂດຍປິ່ນອ້ອມ 5 ຂົງເຂດໃຫຍ່ເຊັ່ນ: ການສ້າງສາພື້ນຖານໂຄງລ່າງເຄືອຂ່າຍລະດັບ ຊາດລະຫວ່າງຈີນ-ອາຊຽນ, ການຮ່ວມມືດ້ານເຕັກນິກ, ການບໍລິການ ດ້ານເສດຖະກິດການຄ້າ, ການຊົມໃຊ້ຂໍ້ມູນຂ່າວສານຮ່ວມກັນ ແລະການແລກປ່ຽນດ້ານ ວັດທະນະທຳ, ເພື່ອຈັດຕັ້ງປະຕິບັດຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ເຊິ່ງກອງປະຊຸມເວທີ ປຶກສາຫາລືຄັ້ງນີ້ມີຈຸດເດັ່ນຄື: ລັດຖະບານສ້າງໂອກາດຂຶ້ນ, ໃຫ້ວິສາຫະກິດຕ່າງໆ ເປັນຕົວກອນ ແລະມີບຸກຄົນໃນທຸກວົງການເຂົ້າຮ່ວມຢ່າງມີຄວາມຫ້າວຫັນ, ແລະໄດ້ຮັບ ໝາກຜົນຢ່າງອຸດົມສົມບຸນ.

ໃນກອງປະຊຸມຄັ້ງນີ້ ໄດ້ບັນລຸໂຄງການຮ່ວມມືຫຼາຍໂຄງການ, ອັນໄດ້ຊຸກຍູ້ການແລກ ປ່ຽນແລະຮ່ວມມືກັນລະຫວ່າງຈີນກັບບັນດາປະເທດອາຊຽນໃນຂົງເຂດເສດຖະກິດດີຈີ ຕອນ. ໃນພິທີເຊັນສັນຍາໂຄງການຕ່າງໆກ່ຽວກັບການຫ້າງຫາການລົງທຶນໃສ່ເສດຖະກິດ ດີຈີຕອນຂອງກວາງຊີທີ່ຈັດຂຶ້ນຢູ່ນະຄອນໜານນິງໃນວັນທີ 13 ກັນຍານີ້, ຫົວໜ່ວຍ ແລະວິສາຫະກິດທີ່ກ່ຽວຂ້ອງຂອງຈີນແລະຕ່າງປະເທດລວມໄດ້ເຊັນສັນຍາ 35 ໂຄງການ ທີ່ລວມທັງຂົງເຂດການສ້າງຕົວເມືອງສະມາດຂອງກວາງຊີ, ຍົກລະດັບຄວາມ ສະດວກໃນການຄ້າເສລີຈີນ-ອາຊຽນ, ການຫຼຸດຜ່ອນຄວາມທຸກຍາກແລະຂົງເຂດອື່ນໆ.