ກອງປະຊຸມເວທີປຶກສາຫາລືສື່ມວນຊົນສາກົນ “ເສັ້ນທາງສາຍໄໝທາງທະເລໃນສະຕະວັດທີ 21” ຄັ້ງທີ 2 ໄຂຂຶ້ນຢູ່ນະຄອນຈູ່ໄຫ

2018-09-20 16:37:07 |ມາຈາກ: cri

ກອງປະຊຸມເວທີປຶກສາຫາລືຄັ້ງນີ້ໄດ້ຈັດຂຶ້ນໂດຍສະຖານີວິທະຍຸແລະໂທລະພາບສູນກາງຈີນແລະອົງການປົກຄອງແຂວງກວາງຕຸ້ງເປັນເຈົ້າພາບຮ່ວມ. ທ່ານເຊີ້ນໄຫຊົງ ຮອງຫົວໜ້າ ຄະນະໂຄສະນາອົບຮົມສູນກາງພັກຄອມມູນິດຈີນທັງເປັນຜູ້ອຳນວຍການໃຫຍ່ສະຖານີວິທະຍຸແລະໂທລະພາບສູນກາງຈີນກ່າວປາໄສໃນພິທີໄຂກອງປະຊຸມວ່າ, ປີນີ້ແມ່ນປີແຫ່ງການປະຕິຮູບເປີດປະຕູສູ່ພາຍນອກຂອງຈີນຄົບຮອບ 40 ປີ, ທັງແມ່ນປີທີ່ທ່ານສີຈິ້ນຜິງ ປະທານປະເທດຈີນສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຄົບຮອບ 5 ປີ. ການທີ່ຈັດກອງປະຊຸມເວທີປຶກສາຫາລືຄັ້ງນີ້, ຈະສະແດງໃຫ້ເຫັນພຶດຕິກຳໃໝ່ດ້ານການກໍ່ສ້າງ “ເສັ້ນທາງສາຍໄໝທາງທະເລໃນສະຕະວັດທີ 21” ແລະໝາກຜົນໃໝ່ດ້ານການແລກປ່ຽນແລະຖອດຖອນບົດຮຽນດ້ານວັດທະນະທຳເຊິ່ງກັນແລະກັນ. ສະຖານີວິທະຍຸແລະໂທລະພາບສູນກາງຈີນຈະປະຕິບັດໜ້າທີ່ຕາມຄວາມຮັບຜິດຊອບຂອງຈີນ, ກະຈາຍສຽງແລະແຜ່ພາບກ່ຽວກັບປະເທດຈີນຢ່າງເດັດດ່ຽວໜຽວແໜ້ນ, ຮັກສາລະບົບການຄ້າຫຼາຍຝ່າຍຢ່າງເດັດດ່ຽວໜຽວແໜ້ນ, ແລະເຜີຍແຜ່ທັດສະນະຄະຕິປະຊາຄົມຮ່ວມຊາຕາກຳມວນມະນຸດຢ່າງເດັດດ່ຽວ.