ກອງປະຊຸມເວທີປຶກສາຫາລືສື່ມວນຊົນສາກົນ “ເສັ້ນທາງສາຍໄໝທາງທະເລໃນສະຕະວັດທີ 21” ຄັ້ງທີ 2 ໄຂຂຶ້ນຢູ່ນະຄອນຈູ່ໄຫ
2018-09-20 16:37:07 |ມາຈາກ: cri
ໃນໂອກາດກ່າວປາໄສ, ທ່ານມາຊິງຣຸ້ຍ ຮອງເລຂາຄະນະພັກທັງເປັນເຈົ້າແຂວງແຂວງກວາງຕຸ້ງກ່າວວ່າ, ແຂວງກວາງຕຸ້ງແມ່ນແຂວງນຳໜ້າຂອງການປະຕິຮູບເປີດປະຕູສູ່ພາຍນອກຂອງຈີນ, ທັງເປັນສູນກາງການເຊື່ອງມໂຍງສຳຄັນຂອງ “ໜຶ່ງແລວໜຶ່ງເສັ້ນທາງ”. ແຂວງກວາງຕຸ້ງຈະເພີ່ມທະວີການເຊື່ອມຈອດກັນດ້ານພື້ນຖານໂຄງລ່າງກັບປະເທດແລະເຂດແຄວ້ນທີ່ລຽບຕາມ “ໜຶ່ງແລວໜຶ່ງເສັ້ນທາງ” ຕື່ມອີກ, ສືບຕໍ່ລົງເລິກການຮ່ວມມືທີ່ຕິດແທດຕົວຈິງໃນຂົງເຂດເສດຖະກິດການຄ້າ, ວິທະຍາສາດ, ການສຶກສາແລະອື່ນໆ, ຍົກລະດັບຂອງເຂດນິຄົມການຮ່ວມມືກັບຕ່າງປະເທດແລະໂຄງການກໍ່ສ້າງຢ່າງບໍ່ຢຸດຢັ້ງ, ແຂວງກວາງຕຸ້ງຈະພະຍາຍາມປະກອບສ່ວນເຂົ້າໃນການສ້າງ “ໜຶ່ງແລວໜຶ່ງເສັ້ນທາງ” ໃຫ້ມີຄຸນນະພາບສູງ.