ກອງປະຊຸມຜູ້ແທນປະຊາຊົນຄັ້ງທີ 2 ສະໄໝທີ 13 ແຂວງຢຸນນານໄດ້ປິດລົງທີ່ນະຄອນຄຸນໝິງ

ໃນຕອນບ່າຍຂອງວັນທີ 31 ເດືອນມັງກອນ ກອງປະຊຸມຜູ້ແທນປະຊາຊົນຄັ້ງທີ 2 ສະໄໝທີ 13 ແຂວງຢຸນນານໄດ້ປິດລົງທີ່ນະຄອນຄຸນໝິງຢ່າງຈົບງາມ.

ໃນໄລຍະ“ກອງປະຊຸມສອງສະພາ”ແຂວງຢຸນນານໃນປີນີ້ ມີຜູ້ແທນປະຊາຊົນຈຳນວນ 600 ກວ່າຄົນໄດ້ຮັບຟັງແລະຮັບຮອງເອກະສານອັນສຳຄັນຕ່າງໆກໍຄື: “ບົດລາຍງານວຽກງານຂອງອຳນາດການປົກຄອງປະຊາຊົນແຂວງຢຸນນານ” “ບົດລາຍງານວຽກງານຂອງສານປະຊາຊົນລະດັບສູງແຂວງຢຸນນານ” “ບົດລາຍງານວຽກງານຂອງອົງການໄອຍະການປະຊາຊົນແຂວງຢຸນນານ”ເປັນຕົ້ນ ພ້ອມດ້ວຍ “ລະບຽບການວ່າດ້ວຍການກໍ່ສ້າງເຂດຕົວຢ່າງທີ່ສາມັກຄີແລະກ້າວໜ້າຂອງຊົນເຜົ່າແຂວງຢຸນນານ(ສຳເນົາດັດແກ້ຂອງສະບັບຮ່າງ),ໄດ້ກວດກາສະພາບການປະຕິບັດແຜນການພັດທະນາສັງຄົມແລະເສດຖະກິດແຫ່ງຊາດປະຈຳປີ 2018ແລະຮ່າງແຜນການພັດທະນາສັງຄົມແລະເສດຖະກິດແຫ່ງຊາດປະຈຳປີ 2019 ສະພາບການປະຕິບັດງົບປະມານການເງິນທ້ອງຖິ່ນປະຈໍາປີ 2018ຂອງແຂວງຢຸນນານແລະຮ່າງງົບປະມານການເງິນທ້ອງຖິ່ນປະຈຳປີ 2019ແລະເອກະສານອື່ນໆ;ພ້ອມດຽວກັນນັ້ນ ຍັງໄດ້ດຳເນີນການພິຈາລະນາກ່ຽວກັບການຢຶດໝັ້ນແນວຄິດການພັດທະນາອັນໃໝ່ຂອງແຂວງຢຸນນານ ການຊຸກຍູ້ການພັດທະນາຄຸນນະພາບສູງ ການເລັ່ງລັດກໍ່ສ້າງລະບົບເສດຖະກິດທີ່ທັນສະໄໝແລະອື່ນໆ ເພື່ອຢຶດໝັ້ນການພັດທະນາສະພາບເສດຖະກິດທີ່ດີຂອງແຂວງຢຸນນານໃຫ້ສືບເນື່ອງ ເພື່ອຕ້ອນຮັບການສະຖາປະນາປະເທດຈີນຄົບຮອບ 70 ປີດ້ວຍຜົນງານທີ່ດີເດັ່ນ.