ກິ່ງແຂວງຕີຊິ້ງແຂວງຢຸນນານໄດ້ຮັບຜົນສຳເລັດອັນຈົບງາມ ໃນກອງປະຊຸມພິຈາລະນາເວລາການບິນເອກະຊົນທົ່ວປະເທດຈີນ

ປະລິມານການເພີ່ມທະວີຂອງຈຳນວນສາຍການບິນຂອງສະໜາມບິນຕີຊິ້ງແຂວງຢຸນນານໃນປີ 2019 ອາດຈະບັນລຸເຖິງ 25.2%, ຕາມການຄາດຄະເນເຄືອຂ່າຍສາຍການບິນຈະກວມເອົາຢ່າງຄົບຖ້ວນທີ່ຕົວເມືອງລະດັບທຳອິດພາຍໃນປະເທດກໍຄື:ປັກກິ່ງ ຊຽງໄຮ ກວາງໂຈ່ແລະເຊີນເຈິ້ນ, ເຊິ່ງເຄືອຂ່າຍສາຍການບິນຈະໄດ້ຮັບການປັບປຸງທີ່ສົມບູນກວ່າເກົ່າ ,ຕຳແໜ່ງທີ່ເປັນສະໜາມບິນທີ່ໃຫຍ່ອັນດັບສອງໃນຂົງເຂດທິເບດຈະມີຄວາມໝັ້ນຄົງຂຶ້ນອີກກ້າວໜຶ່ງ.ຄາດຄະເນວ່າໃນໄລຍະຍາມພັກຜ່ອນລະດູຮ້ອນປະລິມານຖ້ຽວບິນຂອງສະໜາມບິນຕີຊິ້ງແຂວງຢຸນນານຈະມີເຖິງ 20 ຖ້ຽວບິນໃນແຕ່ລະມື້, ຈຶ່ງເປັນສະຖິຕິທີ່ສູງທີ່ສຸດໃນປະຫວັດສາດ.ໃນກອງປະຊຸມພິຈາລະນາເວລາສາຍການບິນໃນລະດູຮ້ອນແລະລະດູໃບໄມ້ຫຼົ່ນຂອງການບິນເອກະຊົນທົ່ວປະເທດທີ່ໄດ້ຈັດຂຶ້ນຢູ່ທີ່ນະຄອນຈີນານແຂວງຊານຕຸ່ງໃນລະຫວ່າງວັນທີ 21 ຫາ 25 ກຸມພາປີ 2019 ກໍໄດ້ຮັບການສະເໜີຂຶ້ນ.

ບໍລິສັດສາຍການບິນນະຄອນເຊີນເຈິ້ນໄດ້ເປີດຖ້ຽວບິນເຊີນເຈິ້ນຫາຕີຊິ້ງໃນວັນທີ 10 ເດືອນມັງກອນຢ່າງເປັນທາງການ, ເຊິ່ງໄດ້ບັນລຸຄວາມຫວັງຂອງສະໜາມບິນຕີຊິ້ງໃນການເປີດສາຍການບິນຈາກເຊີນເຈິ້ນຫາຕີຊິ້ງໃນ 10 ປີໃຫ້ເປັນຈິງແລ້ວ.ຈຸດສຳຄັນຂອງກິ່ງແຂວງຕີຊິ້ງໃນກອງປະຊຸມຄັ້ງນີ້ແມ່ນເພື່ອໃຫ້ໄດ້ຊັບພະຍາກອນທາງເວລາການບິນຂອງສະໜາມບິນນະຄອນຊຽງໄຮແລະກວາງໂຈ່, ພະຍາຍາມເປີດຖ້ຽວບິນໂດຍກົງລະຫວ່າງຕີຊິ້ງກັບຊຽງໄຮແລະກວາງໂຈ່ ແລະພະຍາຍາມສືບຕໍ່ແຜນຂອງຖ້ຽວບິນລະຫວ່າງເຊີນເຈິ້ນຫາຕີຊິ້ງໃນລະດູໃບໄມ້ປົ່ງແລະລະດູໜາວໃຫ້ໄປເຖິງລະດູຮ້ອນແລະລະດູໃບໄມ້ຫຼົ່ນ.