ເປີດການແຂ່ງຂັນການແລກປ່ຽນມວຍວູຊູມູນເຊື້ອສື່ມວນຊົນຄັ້ງທຳອິດ “ໜຶ່ງແລວໜຶ່ງເສັ້ນທາງ ຢຸນນານເຈັດສີສັນ”

ວັນທີ 16 ພະຈິກ, ການແຂ່ງຂັນການແລກປ່ຽນມວຍວູຊູມູນເຊື້ອສື່ມວນຊົນຄັ້ງທຳອິດ “ໜຶ່ງແລວໜຶ່ງເສັ້ນທາງ ຢຸນນານເຈັດສີສັນ” ໄດ້ເປີດການແຂ່ງຂັນຢູ່ນະຄອນຄຸນໝິງ.

ການແຂ່ງຂັນຄັ້ງນີ້ມີເກືອບ 300 ຄົນຈາກ 25 ທິມເຂົ້າຮ່ວມການແຂ່ງຂັນ, ໃນນັ້ນມີທິມມວຍວູຊູທີ່ເປັນຕົວແທນຈາກເຂດຕ່າງໆໃນປະເທດຈີນ, ລວມເຖິງທິມນັກສຶກສາລາວ, ມຽນມາ, ບັງກະລາເທດ ແລະ ທິມປະເທດອື່ນໆ ທີ່ຮຽນຢູ່ມະຫາວິທະຍາໄລຂອງແຂວງຢຸນນານ. ຈຸດປະສົງຂອງການແຂ່ງຂັນຄັ້ງນີ້ແມ່ນເພື່ອດຶງດູດນັກສຶກສາຕ່າງປະເທດໃຫ້ຕິດຕາມ ແລະ ເຂົ້າໃຈມວຍວູຊູຈີນໃຫ້ຫລາຍຂຶ້ນ, ແລະ ຊ່ວຍໃຫ້ວັດທະນະທຳຂອງມວຍວູຊູຈີນກ້າວໄປທົ່ວໂລກ, ທັງເປັນການສົ່ງເສີມການພັດທະນາຂະແໜງກິລາວັດທະນະທຳ ແລະ ການທ່ອງທ່ຽວວັດທະນະທຳຂອງແຂວງຢຸນນານ. ການຝຶກອົບຮົມລັດຖະກອນ ແລະ ນັກຂ່າວແຫ່ງປະເທດແມ່ນ້ຳຂອງ-ແມ່ນ້ຳລ້ານຊ້າງຄັ້ງທີສີ່ທີ່ກຳລັງຈັດຂຶ້ນຢູ່ນະຄອນຄຸນຫມິງ ໃນຂະນະນີ້ ມີລັດຖະກອນ ແລະ ນັກຂ່າວຈຳນວນ 16 ຄົນທີ່ມາຈາກ 4 ປະເທດຄື: ກຳປູເຈຍ, ລາວ, ໄທ ແລະ ຫວຽດນາມ, ພວກເພິ່ນໄດ້ເຂົ້າຮ່ວມພິທີເປີດການແຂ່ງຂັນ ແລະ ສຳຜັດສະເໜ່ຂອງວັດທະນະທຳມວຍວູຊູຈີນຢ່າງເລິກເຊິ່ງ.