ງານແລກປ່ຽນສິນຄ້າການທ່ອງທ່ຽວສາກົນປະເທດຈີນປີ 2019 ປິດລົງຢູ່ເມືອງຄຸນໝິງ

ວັນທີ 17 ພະຈິກ, ງານແລກປ່ຽນສິນຄ້າການທ່ອງທ່ຽວສາກົນປະເທດຈີນປີ 2019 ໄດ້ປິດລົງຢູ່ສູນງານວາງສະແດງສາກົນຕ່ຽນສືເມືອງຄຸນໝິງ, ຮອດປັດຈຸບັນ, ງານແລກປ່ຽນສິນຄ້າການທ່ອງທ່ຽວສາກົນປະເທດຈີນໄດ້ຈັດຂຶ້ນຢ່າງສຳເລັດຜົນຢູ່ແຂວງຢຸນນານເປັນຄັ້ງທີ 10. ງານແລກປ່ຽນສິນຄ້າການທ່ອງທ່ຽວສາກົນປະເທດຈີນປີ 2019 ຄັ້ງນີ້ຈັດຂຶ້ນເປັນເວລາ 3 ມື້, ໄດ້ດຶງດູດ ບັນດາຮ້ານວາງສະແດງທີ່ມາຈາກ 75 ປະເທດ ແລະ ເຂດແຄວ້ນ, ຈຳນວນຮ້ານວາງສະແດງມີເກືອບ 4000 ຮ້ານ. ງານແລກປ່ຽນສິນຄ້າການທ່ອງທ່ຽວສາກົນປະເທດຈີນປີ 2019 ນີ້ໄດ້ສ້າງຕັ້ງຫໍວາງສະແດງ 5 ຫໍ, ເຊິ່ງປະກອບດ້ວຍ ຫໍພາບພົດຫົວຂໍ້ຫລັກ, ຫໍສິນຄ້າການທ່ອງທ່ຽວວັດທະນະທຳ, ຫໍການທ່ອງທ່ຽວແລະສຸຂະພາບ, ຫໍການທ່ອງທ່ຽວ ແລະ ກິລາ, ຫໍພັກເຊົາຂອງຂະບວນລົດບ້ານ, ງານວາງສະແດງມີເນື້ອທີ່ທັງໝົດ 50,000 ຕາແມັດ. ການທ່ອງທ່ຽວຮູບແບບໃຫມ່ຫລາຍແບບ ແລະ ຜະລິດຕະພັນການທ່ອງທ່ຽວໄດ້ຮັບການສະແດງຢ່າງໂດດເດັ່ນໃນງານແລກປ່ຽນສິນຄ້າ, ເຊິ່ງດຶງດູດຜູ້ຊົມ 80,000 ຄົນເຂົ້າມາຊົມເບິ່ງ.