ຮ້ານສັບພະສິນຄ້າຂອງຄຸນໝິງຮັບປະກັນການສະໜອງເຄື່ອງໃຊ້ທີ່ຈຳເປັນໃນຊີວິດປະຈຳວັນ

ຮ້ານສັບພະສິນຄ້າທີ່ມີເຄື່ອງ ແລະ ອາຫານທີ່ອຸດົມສົມບູນ, ການຊື້ກໍສະດວກສະບາຍ, ເປັນສະຖານທີ່ຕົ້ນຕໍສຳລັບຊາວເມືອງຄຸນໝິງທີ່ຈະຊື້ເຄື່ອງໃຊ້ທີ່ຈຳເປັນເຊັ່ນ: ຜັກ, ຊີ້ນ, ໄຂ່, ສະບຽງອາຫານ ແລະ ອື່ນໆໃນຊ່ວງບຸນປີໃຫມ່ກຸດຈິນ.

ໃນຊ່ວງບຸນປີໃຫມ່ກຸດຈິນ, ເນື່ອງຈາກວ່າໃນຕະຫຼາດເຊົ້າຂອງເມືອງຄຸນໝິງມີຮ້ານຄ້າຫຼາຍແຫ່ງໄດ້ປິດຮ້ານ,ແລະ ປີນີ້ກໍຍັງໄດ້ຮັບຜົນກະທົບຈາກພະຍາດປອດອັກເສບ, ປະຊາຊົນສ່ວນໃຫຍ່ຈຶ່ງໄດ້ພັກເຊົາຢູ່ໃນເຮືອນໃນໄລຍະບຸນປີໃຫມ່ກຸດຈິນ, ສະນັ້ນປະລິມານຄວາມຕ້ອງການຕໍ່ເຄື່ອງໃຊ້ທີ່ຈຳເປັນໃນຊີວິດປະຈຳວັນເຊັ່ນ: ຜັກ, ຊີ້ນ, ສະບຽງອາຫານ ແລະ ອື່ນໆ ແມ່ນຫຼາຍກວ່າປີທີ່ຜ່ານມາ.

ອິງຕາມຂໍ້ມູນຂ່າວສານ,ໃນສອງສາມມື້ທີ່ຜ່ານມາ, ເຄື່ອງໃຊ້ທີ່ຈຳເປັນໃນຊີວິດປະຈຳວັນໃນຮ້ານສັບພະສິນຄ້າໃຫຍ່ແຫ່ງຕ່າງໆໃນເມືອງຄຸນໝິງ, ຍອດການຈຳຫນ່າຍໄດ້ເພີ່ມຂື້ນຢ່າງຫຼວງຫຼາຍໂດຍສະເພາະແມ່ນ ຜັກ, ຊີ້ນ, ໄຂ່, ແລະ ປະເພດສະບຽງອາຫານ, ຫ້າງຮ້ານທຸລະກິດຍັງມີການຂະຫຍາຍຊ່ອງທາງການຊື້ ແລະ ຈັດຕັ້ງແຫຼ່ງສະໜອງສິນຄ້າທີ່ສອດຄ່ອງກັບຄວາມຕ້ອງການຂອງຕະຫຼາດ, ເພື່ອຮັບປະກັນປະລິມານການສະໜອງ ແລະ ຄຸນນະພາບ, ລວມທັງຄວາມໝັ້ນຄົງຂອງລາຄາສິນຄ້າເພື່ອຮັບປະກັນການສະໜອງ.