ນາງພະຍາບານຈາກແຂວງຢຸນນານສົ່ງຮູບແຕ້ມອວຍພອນໃຫ້ພະນັກງານແພດຂອງທິມແພດທີ່ໄປຊ່ວຍເຫຼືອແຂວງຫູເປີ່ຍ

ນີ້ແມ່ນບັນດາຮູບແຕ້ມທີ່ແຕ້ມດ້ວຍມືຂອງ ນາງ ເຊີນມິງຢຸ້ຍ ທີ່ແຕ້ມໃຫ້ພະນັກງານແພດຂອງທິມແພດທີ່ໄປຊ່ວຍເຫຼືອແຂວງຫູເປີ່ຍ, ນາງ ເຊີນມິງຢຸ້ຍ ແມ່ນນາງພະຍາບານທີ່ເຮັດວຽກຢູ່ ໂຮງໝໍປິ່ນປົວພະຍາດມະເຮັງ ແຂວງຢຸນນານ. ພາຍຫຼັງທີ່ເກີດມີການລະບາດຂອງພະ​ຍາດ​ອັກເສບ​ປອດ​, ເຖິງວ່າ ນາງ ເຊີນມິງຢຸ້ຍ ບໍ່ໄດ້ຖືກຄັດເລືອກເຂົ້າໃນທິມແພດ, ແຕ່ນາງ ເຊີນມິງຢຸ້ຍ ກໍໄດ້ເອົາໃຈໃສ່ໃນການຕິດຕາມຂໍ້ມູນກ່ຽວກັບການຕໍ່ສູ້ກັບພະຍາດອັກເສບປອດໃນທຸກໆມື້, ເພື່ອສະແດງໃຫ້ເຫັນສະພາບການເຮັດວຽກພາກສະໜາມຂອງບັນດາພະນັກງານແພດຢ່າງແທ້ຈິງອີກຄັ້ງຫນຶ່ງ, ນາງໄດ້ໃຊ້ວິທີການແຕ້ມຮູບ ໜຶ່ງມື້ຕໍ່ຫນຶ່ງຮູບ, ເພື່ອເປັນການບັນທຶກຮູບພາບໃນລະຫວ່າງການຕໍ່ສູ້ສະກັດກັ້ນພະ​ຍາດ​ອັກເສບ​ປອດຂອງແນວຫນ້າ, ແລະ ອວຍພອນໃຫ້ພະນັກງານແພດໝໍປອດໄພ.