ເຂດທ່ອງທ່ຽວເບິ່ງນົກສີດາປາກແດງຄຸນໝິງເປີດຂຶ້ນຢ່າງເປັນລະບຽບຮຽບຮ້ອຍ

ອາກາດສີ່ລະດູຂອງເມືອງຄຸນໝິງແຂວງຢຸນນານຄືກັບລະດູໃບໄມ້ປົ່ງ, ແລະໃນລະດູໜາວຂອງແຕ່ລະປີນົກສີດາປາກແດງຈະມາທີ່ແຂວງຢຸນນານເພື່ອຜ່ານລະດູໜາວ. ຢູ່ເຊົ້າຮາຍຕາປ້າ,ສວນຮາຍເກິນ ແລະ ເຂດທ່ອງທ່ຽວອື່ນໆ ແມ່ນສະຖານທີ່ເບິ່ງນົກສີດາປາກແດງທີ່ສຳຄັນສຳລັບຄົນຄຸນໝິງ.ແຕ່ວ່າເນື່ອງຈາກໄດ້ຮັບຜົນກະທົບຈາກການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່,ເຂດທ່ອງທ່ຽວເບິ່ງນົກສີດາປາກແດງດັ່ງກ່າວໄດ້ຖືກປິດລົງໃນເດືອນກຸມພາ,ຄຽງຄູ່ກັບສະພາບການລະບາດຂອງພະຍາດທີ່ປ່ຽນແປງດີຂຶ້ນ, ໃນວັນທີ 3 ມີນາ, ທັງແມ່ນວັນສັດປ່າແລະພືດໂລກ, ເຂດທ່ອງທ່ຽວເບິ່ງນົກສີດາປາກແດງຄຸນໝິງໄດ້ຟື້ນຟູທຸລະກິດ,ສືບຕໍ່ຕ້ອນຮັບນັກທ່ອງທ່ຽວ.ອີງຕາມຂໍ້ມູນຂ່າວສານ,ນົກສີດາປາກແດງ 40 ພັນກວ່າໂຕໄດ້ມາສູ່ແຂວງຢຸນນານເພື່ອຜ່ານລະດູໜາວໃນປີນີ້,ເຊິ່ງເປັນປີໜຶ່ງທີ່ມີຈຳນວນຂອງນົກສີດາປາກແດງຫຼາຍທີ່ສຸດ.