ທ່ານສີຈີ້ນຜິງວາງກະຕ່າດອກໄມ້ຕໍ່ໜ້າອະນຸສາວະລີວິລະຊົນນັກຮົບນີລະນາມຢູ່ສະໜາມຫຼວງທ່ຽນອ່ານເມີນ
ວັນທີ 30 ກັນຍານີ້ ເປັນວັນລະນຶກເຖິງວິລະຊົນຜູ້ເສຍສະຫຼະຊີວິດຕາມກົດໝາຍຂອງຈີນ, ພິທີວາງກະຕ່າດອກໄມ້ຕໍ່ໜ້າອານຸສາວະລີນັກຮົບນີລະນາມໄດ້ຈັດຂຶ້ນຢູ່ສະໜາມຫຼວງທ່ຽນອ່ານເມີນຢ່າງໃຫຍ່ເຄັ່ງຂຶມ. ທ່ານສີຈີ້ນຜິງ ແລະ ຜູ້ນຳພັກລັດຈີນທ່ານອື່ນໆ ພ້ອມທັງຜູ້ຕາງໜ້າວົງການຕ່າງໆໄດ້ວາງກະຕ່າດອກໄມ້ຢູ່ຕໍ່ໜ້າອານຸສາລະລີນັກຣົບນິລະນາມ.
ເດືອນສິງຫາປີ 2014, ຈີນໄດ້ກຳນົດໃຫ້ວັນທີ 30 ກັນຍາຂອງແຕ່ລະປີເປັນວັນລະນຶກເຖິງວິລະຊົນ ຜູ້ເສຍສະຫຼະຊີວິດຕາມກົດໝາຍ. ຮອດມື້ດັ່ງກ່າວຂອງທຸກປີ, ຈີນກໍ່ຈະຈັດກິດຈະກຳລະນຶກເຖິງວັນສຳຄັນດັ່ງກ່າວ ເພື່ອສະແດງຄວາມເຄົາລົບນັບຖືຕໍ່ວິລະຊົນໃນນາມລັດຖະບານ ແລະ ເຮັດໃຫ້ນ້ຳໃຈວິລະຊົນລົງເລິກເຂົ້າສູ່ຄວາມຊົງຈຳຂອງປະຊາຊົນທັງຊາດ.
ເດືອນເມສາປີ 2018, ຈີນໄດ້ຜ່ານການຮັບຮອງ “ກົດໝາຍວ່າດ້ວຍການປົກປັກຮັກສານັກຣົບວິລະຊົນ ແລະ ຜູ້ເສຍສະຫຼະຊີວິດຂອງສ.ປ.ຈີນ” ຢ່າງເປັນທາງການ, ກຳນົດໃຫ້ວັນທີ 30 ກັນຍາຂອງແຕ່ລະປີເປັນວັນລະນຶກເຖິງນັກຮົບວິລະຊົນຜູ້ເສຍສະຫຼະຊີວິດ ເຊິ່ງຈັດພິທີລະນຶກຢູ່ສະໜາມຫຼວງທ່ຽນອ່ານເມີນນະຄອນຫຼວງປັກກິ່ງ ເພື່ອໄວ້ອາໄລ ແລະ ລະນຶກເຖິງວິລະຊົນ ແລະ ນັກຣົບຜູ້ເສຍສະຫຼະຊີວິດ.