ງາມຫຼາຍ, ແຂວງຢຸນນານມີເຂດທ່ອງທ່ຽວໃຫມ່

ໃນໄລຍະບຸນປີໃໝ່ກຸດຈີນ, ເມື່ອນັກທ່ອງທ່ຽວເຂົ້າໄປໃນເຂດບໍລິການ ຂອງເສັ້ນທາງດ່ວນແຂວງຢຸນນານ, ພວກເຂົາເຫັນວ່າສະພາບແວດລ້ອມຂອງເຂດບໍລິການມີຄວາມສະອາດ ແລະ ສວຍງາມ, ຄືກັນກັບເຂົ້າໄປໃນສວນສາທາລະນະ ຫຼື ເຂດທ່ອງທ່ຽວ. ໃນເຂດບໍລິການເຫຼົ່ານີ້, ທ່ານສາມາດເຫັນດອກໄມ້ຫຼາຍຮ້ອຍພັນດອກເບັ່ງບານ, ແລະ ສາມາດເຫັນໜອງແສ, ພູຊາງສານ, ແລະ ຍັງສາມາດກິນດື່ມອາຫານ ແລະ ທ່ຽວຫລິ້ນໃນສູນການຄ້າ, ເຂດຮ້ານອາຫານ ແລະ ເຂດບັນເທີງຂອງເດັກນ້ອຍ.

ນັບແຕ່ ເດືອນ ກັນຍາ ປີ 2020, ກຸ່ມບໍລິສັດການກໍ່ສ້າງລົງທຶນຄົມມະນາຄົມແຂວງຢຸນນານ ຈຳກັດ ໄດ້ຈັດຕັ້ງປະຕິບັດການປັບປຸງບູລະນະ ແລະ ຍົກລະດັບເຂດບໍລິການເສັ້ນທາງດ່ວນ, ແລະໄດ້ດຳເນີນການກໍ່ສ້າງເຂດບໍລິການອັດສະລິຍະ. ປັດຈຸບັນ, ການປັບປຸງບູລະນະ ແລະ ຍົກລະດັບຂອງເຂດບໍລິການ 64 ແຫ່ງຂອງທາງບົກ 2 ແຫ່ງຄື: ເສັ້ນທາງດ່ວນເມືອງຄຸນໝິງຫາດ່ານບໍ່ຫານ, ເສັ້ນທາງດ່ວນຄຸນໝິງຫາເມືອງຕ້າຫຼີ ຫາ ເມືອງລີ້ຈ່ຽງໄດ້ສຳເລັດ, ແລະການກໍ່ສ້າງ ເຂດບໍລິການຊາວຊາປາ ຂອງເສັ້ນທາງບົກເມືອງນູຈ່ຽງກໍໄດ້ສຳເລັດແລ້ວ.