ການເຈລະຈາເສດຖະກິດການຄ້າລະຫວ່າງຈີນ-ອາເມຣິກາໃກ້ຈະສຳເລັດ ຄວນສືບຕໍ່ເປີດກວ້າງຜົນປະໂຫຍດຮ່ວມ
ການເຈລະຈາລະດັບສູງດ້ານເສດຖະກິດການຄ້າລະຫວ່າງຈີນ-ອາເມຣິກາຄັ້ງທີ 7 ໄດ້ອັດລົງຢູ່ນະຄອນຫຼວງວໍຊິງຕັນປະເທດອາເມຣິກາໃນວັນທີ 24 ກຸມພານີ້. ຜ່ານການສຸມໃສ່ເຮັດວຽກເປັນເວລາ 4 ວັນ, ສອງຝ່າຍໄດ້ຈັດຕັ້ງປະຕິບັດຄວາມຮັບຮູ້ຢ່າງເປັນເອກະພາບທີ່ສຳຄັນໃນການພົບປະລະຫວ່າງປະມຸກລັດຂອງສອງປະເທດທີ່ອາກຊັງຕິນຕື່ມອີກ,ແລະເຈລະຈາກັນໂດຍປິ່ນອ້ອມເອກະສານຂອງສັນຍາສອງຝ່າຍແລະໄດ້ຮັບຄວາມຄືບໜ້າທີ່ເປັນຮູບປະທຳກ່ຽວກັບບັນຫາທີ່ລະອຽດໃນຫຼາຍດ້ານເຊັ່ນ: ການໂອນເຕັກນິກ,ການປົກປ້ອງຊັບສິນທາງປັນຍາ,ມາດຕະການກີດກັນທີ່ບໍ່ແມ່ນພາສີອາກອນ, ຂະແໜງການບໍລິການ,ກະສິກຳກໍຄືອັດຕາແລກປ່ຽນເງິນຕາເປັນຕົ້ນ. ຂະນະດຽວກັນ,ທ່ານ ໂດໂນ ທຣຳ ປະທານາທິບໍດີອາເມຣິກາໄດ້ປະກາດຜ່ານທາງສື່ສັງຄົມອອນລາຍ Twitter ຂອງຕົນວ່າຈະເລື່ອນເວລາປະຕິບັດແຜນການຂຶ້ນພາສີຕໍ່ສິນຄ້າທີ່ຈີນສົ່ງອອກສູ່ອາເມຣິກາເຊິ່ງແຕ່ເດີມໄດ້ກຳນົດຈະເລີ່ມປະຕິບັດນັບແຕ່ວັນທີ 1 ມີນາໜ້ານີ້ເປັນຕົ້ນໄປ.