ການເຈລະຈາເສດຖະກິດການຄ້າລະຫວ່າງຈີນ-ອາເມຣິກາໃກ້ຈະສຳເລັດ ຄວນສືບຕໍ່ເປີດກວ້າງຜົນປະໂຫຍດຮ່ວມ
ກ່ຽບກັບບັນຫາໂຄງປະກອບຂອງເສດຖະກິດການຄ້າລະຫວ່າງຈີນແລະອາເມຣິກາ, ຄຳຮ້ອງຂໍທີ່ກ່ຽວຂ້ອງທີ່ອາເມຣິກາສະເໜີຕໍ່ຝ່າຍຈີນນັ້ນ, ນອກຈາກສິ່ງທີ່ກ່ຽວພັນເຖິງຜົນປະໂຫຍດແຫ່ງຊາດ, ຮູບຖານຈິດສຳນຶກແລະຄວາມໝັ້ນຄົງແຫ່ງຊາດຂອງຈີນແລ້ວ, ກໍມີຄວາມຮຽກຮ້ອງບໍ່ໜ້ອຍທີ່ສອດຄ່ອງກັບທິດທາງຂອງຈີນໃນການລົງເລິກການປະຕິຮູບ, ເປີດກວ້າງການເປີດປະຕູສູ່ພາຍນອກແລະບັນລຸການພັດທະນາເສດຖະກິດທີ່ມີຄຸນນະພາບສູງ. ຕົວຢ່າງເຊັ່ນ: ໃນດ້ານການປົກປ້ອງຊັບສິນທາງປັນຍາ, ໃນຖານະເປັນໂຄງປະກອບເສດຖະກິດໃຫຍ່ອັນດັບໜຶ່ງແລະອັນດັບສອງຂອງໂລກ, ເປັນປະເທດໃຫຍ່ແຕ່ງການປະດິດສ້າງໃໝ່ແລະການຄ້າ, ຈີນແລະອາເມຣິກາກໍມີຄວາມຕ້ອງການແລະຜົນປະໂຫຍດຮ່ວມກັນໃນດ້ານການປົກປ້ອງຊັບສິນທາງປັນຍາ. ການ ເຈລະຈາລະດັບສູງດ້ານເສດຖະກິດ-ການຄ້າລະຫວ່າງສອງຝ່າຍຮອບນີ້ໄດ້ຮັບຄວາມຄືບໜ້າຢ່າງເປັນຮູບປະທຳໃນບັນຫາດັ່ງກ່າວ, ສະແດງໃຫ້ເຫັນວ່າສອງຝ່າຍມີຄວາມຕ້ອງການແລະຜົນປະໂຫຍດຮ່ວມກັນຢ່າງເຕັມທີ່.
ໃນການເຈລະຈາລະດັບສູງຮອບນີ້, ສອງຝ່າຍຍັງໄດ້ຕົກລົງຈະເຮັດວຽກໃນຂັ້ນຕອນຕໍ່ໄປໃຫ້ດີໂດຍອີງຕາມການຊີ້ນຳຂອງປະມຸກລັດສອງປະເທດເຊິ່ງສະແດງໃຫ້ເຫັນວ່າ, ໃນບັນຫາການແກ້ໄຂຄວາມຂັດແຍ້ງກັນດ້ານເສດຖະກິດການຄ້າລະຫວ່າງຈີນແລະອາເມຣິກາຢ່າງເໝາະສົມນັ້ນ, ປະມຸກລັດສອງປະເທດໄດ້ເສີມຂະຫຍາຍບົດບາດນຳພາທີ່ສຳຄັນແຕ່ຕົ້ນຕະຫຼອດປາຍ. ແຕ່ວ່າຈະປະຕິບັດຕາມຄວາມເຫັນເປັນເອກະພາບກັນລະຫວ່າງປະມຸກລັດສອງປະເທດແນວໃດນັ້ນ, ແມ່ນເປັນການທົດສອບສະຕິປັນຍາແລະບົດຮຽນປະສົບການຂອງຄະນະເຈລະຈາເສດຖະກິດການຄ້າທັງສອງຝ່າຍ.
ສຳລັບຝ່າຍຈີນແລ້ວ, ຈະສືບຕໍ່ດຳເນີນວຽກງານປຶກສາຫາລືໃນບາດກ້າວຖັດໄປດ້ວຍຄວາມຈິງໃຈທີ່ສຸດແລະມີຄວາມພະຍາຍາມທີ່ສຸດ, ຂະນະດຽວກັນກໍຫວັງໃຫ້ຝ່າຍອາເມຣິກາຈົ່ງສືບຕໍ່ໄປໃນທິດທາງດຽວກັນ, ສຸມທຸກຄວາມພະຍາຍາມຮ່ວມກັນເພື່ອເປີດກວ້າງຜົນປະໂຫຍດຮ່ວມກັນ. ພ້ອມກັນນັ້ນ, ຈີນຈະສືບຕໍ່ປະຕິບັດໄປຕາມຈັງຫວະຂອງຕົນ, ໂດຍການເຮັດວຽກຂອງຕົນໃຫ້ດີ, ຮັບມືກັບການປ່ຽນແປງຂອງສະຖານະການພາຍນອກຢ່າງເໝາະສົມດ້ວຍການລົງເລິກການປະຕິຮູບແລະເປີດກວ້າງການເປີດປະຕູສູ່ພາຍນອກຕື່ມອີກ.